accessible mode Մատչելի տարբերակ

Հեղինակ

Դիսըբիլիթի Ինֆո.am

Հաշմանդամություն ունեցող անձանց իրավունքների մասին տեղեկատվական հարթակ

Քննարկվել են համընդհանուր ներառականությանն անցում կատարելու հարց

0

ՀՀ կրթության և գիտության նախարար Արմեն Աշոտյանն այսօր աշխատանքային հանդիպում է ունեցել ՄԱԿ-ի մանկական հիմնադրամի (ՅՈւՆԻՍԵՖ) հայաստանյան գրասենյակի տնօրեն Հենրիետ Արենսի և ԱՄՆ միջազգային զարգացման գործակալության (USAID) հայաստանյան գրասենյակի ղեկավար Քերըն Հիլլարդի հետ:

Հանդիպման ընթացքում քննարկվել են երկկողմ համատեղ ծրագրերը, մասնավորապես հանընդհանուր ներառականությանը անցում կատարելու միջազգային սկզբունքի շրջանակում իրականցվող միջոցառումները: ՀՀ ԿԳ նախարարը նշել է, որ Հայաստանը, հաշվի առնելով միջազգային կրթական իրավունքի չափանիշները, կատարել է կրթության ոլորտի օրենսդրական դաշտի փոփոխություն: Ա. Աշոտյանը միաժամանակ, անդրադառանալով կրթության համընդհանուր ներառականության ներդրմանը, կարևորել է դրա շարունակականության երաշխքիները:

Քննարկման ընթացքում նշվել է, որ այժմ միջազգային կառույցների աջակցությամբ աշխատանքներ են ընթանում հատուկ դպրոցները խնամքի կենտրոնների վերածելու և կրթության առանձնահատուկ պայմանների կարիք ունեցող երեխաների կրթությունը հանրակրթական դպրոցներում կազմակերպելու նպատակով: Ծրագրի փորձարկման մեկնարկը տրվելու է Սյունիքի մարզից: Այդ նպատակով միջազգային կառույցների ռեսուրս կենտրոններում կազմակերպվում են մանկավարժների վերապատրաստումներ: Այս համատեքստում նշվել է նաև, որ առանձին դեպքերում հատուկ դպրոցները կրթություն են կազմակերպում ոչ միայն կրթության առանձնահատուկ պայմանների կարիք ունեցող երեխաների, այլ նաև սոցիալական վատ պայմաններում գտնվող երեխաների համար, ինչը մտահոգիչ է:

Գործողությունների ծրագրի մշակման նպատակով ստեղծվել է նաև միջգերատեսչական աշխատանքային խումբ՝ պետական գերատեսչությունների, միջազգային կազմակերպությունների և հասարակակական կառույցների ներկայացուցիչների մասնակցությամբ: Հանդիպման ընթացքում քննարկվել են նաև համատեղ ծրագրերին վերաբերող աշխատանքային տարբեր հարցեր:

Տարածել
* Հրապարակման մեջ սխալներ նկատելու դեպքում նշեք տվյալ բառը կամ նախադասությունը և սեղմեք Shift + Enter:

Comments are closed.